Back Stæffordscīr hord ANG Стафардшырскі скарб Byelorussian Tresor de Staffordshire Catalan Staffordshireskatten Danish Schatz von Staffordshire German Θησαυρός του Στάφορντσιρ Greek Staffordshire Hoard English Trezoro de Staffordshire Esperanto Trésor du Staffordshire French Trezoro de Staffordshire IO
De Skat fan Staffordshire is yn july 2009 yn de omkriten fan Burntwood fûn troch Terry Herbert mei in metaaldetektor, yn it stik lân fan in freon fan him.
De skat wurdt datearre op mooglik de 8e iuw of begjin 9e iuw en bestiet út sa'n 1.500 ûnderdielen fan foaral goud en sulver (totaal 1,3 kg sulver en 5 kg goud en dêrmei grutter as dy fan Sutton Hoo yn 1939). It giet om stikken guod fan Angel-Saksyske oarsprong. De fynst bestiet út stikken fan swurden, riemen en helms, dy't troch manlju brûkt binne en trije krusen. Om't it hjir om guod giet makke fan djoerdere en ryklik bewurke metalen, tinkt men dat de oarspronklike besitters ta de elite heard ha. Wêrom't it guod yn de grûn rekke is, is noch net bekend. Mooglik is der sprake fan in bút, mar it soe ek om in offer gean kinne.
Ien fan de foarwerpen is in lytse stripe fan goud dêr't in sitaat út it bibelboek Numeri (10:35) yn it Latyn op te lêzen is: SURGE DNE DISEPENTUR INIMICI TUI ET FUGENT QUI ODERUNT TE A FACIE TUA ("Surge Domine et dissipentur inimici tui et fugiant qui oderunt te a facie tua"), dat betsjut: "Gean oerein, Heare; lit jo fijannen fersille wurde en jo haters foar Jo op 'e flecht gean."[1]
© MMXXIII Rich X Search. We shall prevail. All rights reserved. Rich X Search